Loading...
ԼՐԱՀՈՍ ՀԱՍԱՐԱԿՈՒԹՅՈՒՆ

Շատ հնարավոր է, որ բախվենք այնպիսի իրավիճակի, որ վերակենդանացման բաժանմունքում էլ տեղ չլինի. Նիկոլ Փաշինյան(video)

Համավարակի շուրջ իրավիճակը, ցավոք սրտի, շարունակվում է լարվել: Երեկ 442 դեպք ենք ունեցել մահացել է 15 քաղաքացի, Պարետատան նիստից հետո հրավիրված ճեպազրույցի ժամանակ նշեց վարչապետ Նիկոլ Փաշինյանը:

Loading...

Նրա խոսքով՝ վերլուծությունը ցույց է տալիս, որ վարակի ամենամեծ օջախը մայրաքաղաք Երևանն է, սակայն պոտենցիալ վարակի աղբյուրներն ամենուրեք են՝ հասարակական տրանսպորտ, բանկեր, հանրային սննդի կետեր և այլն:

«Շարունակում ենք համոզված մնալ, որ միակ ելքը հակահամաճարակային պայմանների ապահովումն է՝ այն է դիմակների կրումը և ձեռքերի ախտահանումն ու սոցիալական հեռավորության պահպանումը: Պետք է բացառել որևէ առևտրային կետում առք ու վաճառքի գործարք, եթե գնողը և վաճառողը դիմակով չեն»:

Loading...

Անդրադառնալով դիմակներին գնին՝ վարչապետը նշեց, որ անտեղի են այն շահարկումները, որ դիմակը թանկ է: Դիմակ հնարավոր է պատրաստել նաև տնային պայմաններում և այն նույնպես կարող է զրոյի հասցնել վարակի տարածումը: Ըստ նրա՝ երբեք չի քննարկվում, որ ակնոցը կամ օճառը թանկ է և այդ պատճառաբանությամբ մարդիկ չեն հրաժարվում ակնոց կամ օճառ գնելուց:

Загрузка...

«Շատ հնարավոր է, որ բախվենք այնպիսի իրավիճակի, որ վերակենդանացման բաժանմունքում էլ տեղ չլինի: Պետք է հիշել, որ հնարավոր է՝ այդ տեղը պետք լինի ձեր հարազատներին և ձեզ: Կոչ եմ անում իրավիճակին նայել այս կերպ: Այսօր ամբողջ աշխարհը չունի կորոնավիրուսի հետ կապված ամբողջական գիտելիք և այն անընդհատ համալրվում է և փորձով ապացուցվել է դիմակների էֆեկտիվությունը, երբ կիրառվում է համատարած: Մեր հույսը և կոչը հանրային վարքագծի փոփոխությունն է»:

Նիկոլ Փաշինյանը նաև նշեց, որ վերջին օրերին վարչական շրջաններում, որոշակի համայնքներում անսպասելի այցելություններ են իրականացվելու ոստիկանության և տեսչական մարմինների կողմից:

Loading...

«Ոստիկանության տեսչական մարմիններ և այլ ներկայացուցիչներ մտնում են տարածք և ստուգում՝ ինչքանով են պահվում հակահամաճարակային կանոնները և խախտումների դեպքում փակվում կամ որոշակի ժամանակահատված արգելվում է նրանց գործունեությունը: Չի բացառվում, որ կրկնակի խախտումներ բացահայտելու դեպքում երկար ժամանակով դադարեցվի նրանց գործունեությունը»,- ընդգծեց Նիկոլ Փաշինյանը:


Loading...
Загрузка...